Video
Read full review
2017-08-24
216 views
聽到好多朋友食過呢間Goobne韓國烤雞都話好食，所以今日嚟到荃新天地都去試下！習慣早食lunch，所以未開門已經到咗，成間餐廳佈局都好光猛乾淨，感覺非常良好：)坐低掀一掀個menu，竟然首先俾飲品吸引咗，所以拿拿地叫兩杯嘢飲先，出面熱到透唔到氣，要揀杯超冰涼嘅，我就揀咗杯無酒精嘅藍橙沙冰，老公就揀咗杯有酒精嘅鯊魚之淚！兩杯賣相都極討好，忍唔住影咗幾張相，藍橙之冰甜甜地，texture就好似思樂冰咁，我自己就好鍾意喇！老公杯鯊魚之淚我試咗一啖，有少少檸檬味，易入口嘅，望住條鯊魚，不期然心情都輕鬆起來😆我地喺果味蒜香烤雞同BBQ醬煙燻烤雞兩者之間爭扎咗好耐，最後猜包剪揼揀咗煙燻烤雞，其實心諗如果有雙拼就好喇，兩個人叫兩款又驚太多食唔晒，叫一款又好似得一種味唔夠喉🤔BBQ醬煙燻烤雞上枱好香，熱辣辣，真係口水直流，外層BBQ醬甜甜地，啲肉又帶有濃郁嘅煙燻味，停唔到口，不停食食完個烤雞我地兩個都意猶未盡，仲好想試多一款嘢，左揀右揀終於決定order芝士烤雞串，雞塊好嫩，個醬好惹味，個sauce配埋芝士其實好match，奈何我食咗兩舊之後啲辣味開始散出嚟，條脷頂唔順，所以唯有撩啲芝士食😂老公就食
習慣早食lunch，所以未開門已經到咗，成間餐廳佈局都好光猛乾淨，感覺非常良好：)
坐低掀一掀個menu，竟然首先俾飲品吸引咗，所以拿拿地叫兩杯嘢飲先，出面熱到透唔到氣，要揀杯超冰涼嘅，我就揀咗杯無酒精嘅藍橙沙冰，老公就揀咗杯有酒精嘅鯊魚之淚！
兩杯賣相都極討好，忍唔住影咗幾張相，藍橙之冰甜甜地，texture就好似思樂冰咁，我自己就好鍾意喇！老公杯鯊魚之淚我試咗一啖，有少少檸檬味，易入口嘅，望住條鯊魚，不期然心情都輕鬆起來😆
我地喺果味蒜香烤雞同BBQ醬煙燻烤雞兩者之間爭扎咗好耐，最後猜包剪揼揀咗煙燻烤雞，其實心諗如果有雙拼就好喇，兩個人叫兩款又驚太多食唔晒，叫一款又好似得一種味唔夠喉🤔
韓式BBQ醬煙燻烤雞
27 views
0 likes
0 comments
韓式BBQ醬煙燻烤雞
30 views
0 likes
0 comments
BBQ醬煙燻烤雞上枱好香，熱辣辣，真係口水直流，外層BBQ醬甜甜地，啲肉又帶有濃郁嘅煙燻味，停唔到口，不停食
芝士烤雞串
34 views
0 likes
0 comments
食完個烤雞我地兩個都意猶未盡，仲好想試多一款嘢，左揀右揀終於決定order芝士烤雞串，雞塊好嫩，個醬好惹味，個sauce配埋芝士其實好match，奈何我食咗兩舊之後啲辣味開始散出嚟，條脷頂唔順，所以唯有撩啲芝士食😂老公就食得好滋味😑
其實仲好想試埋甜品架，不過已經太飽，唯有下次同朋友再嚟先食。
另外，雖然lunch hour，不斷有客入座，但係呢度啲staff好有禮貌，無急住一食完就收碟，可以俾你慢慢享受盡情傾偈👍
Post
