十二味貴陽牛肉粉 (Closed)

朋友約左喺呢間度食，見未食過，好似幾有趣，就試試啦其實要先比錢買野食，但朋友未到就坐住先。一坐低就見到咁得意嘅 不溫馨提示:叫左一碗冷麵同紅燒牛肉米線，價錢比一般貴，但位置喺銅鑼灣無咁旺嘅街，呢個價算ok啦。服務員係內地人，成間店聽落都幾"正宗"嘅紅燒牛肉米線個湯顏色好清，但睇得出係熬出黎唔係假味，因為都幾油，牛肉都唔少，係丁方shape.加左醋同黑色嘅花椒粉(寫住:我超麻),一食落口，不得了！！！兩樣都狂加！完全係譚仔酸辣不過唔辣黎！！仲要酸度同麻度自己調配以後都唔洗食譚仔了！！救星到了！！成口麻晒，無辣油，啱唔食辣嘅人，好似係lol...麻到痴左線...你諗下我落左幾多...冷麵後上枱，麵質似拉麵，味道無咁重，汁係豉油之類但唔油唔咸，適中啦。