Video
Read full review
2021-02-04
2140 views
計劃分兩次去試龍景軒。一次試點心，一次試田雞腿、北京填鴨同炒飯。今次慶生🎂，先試點心⋯⋯。同一般茶樓一樣，先揀茶葉。如果係去慶祝生日吃晚飯，客人可免費飲升級版茶葉。疫情關係無晚市，詢問下經理照給我哋免加錢飲「升級精選極品茗茶」，生日送的壽包亦己準備咗！👍一般茶錢每位$48，升級版的普洱系列就由每位$88 至 $138。Tea list 還有各款紅茶、白茶等供選擇。🍵我哋二人揀選的兩款升級茶葉都係用蓋碗杯做茶具。🍵陳皮普洱$88/位採自2012年成熟大紅柑果皮及2008年普洱為原材料。注意：不是陳皮同普洱一起陳化！沖泡一分鐘己見色澤，陳皮香撲鼻。口感醇厚。🍵小青柑🍊普洱$98/位普洱茶葉放在小青柑內陳化（2016），茶味要透過青柑出味。首泡先出淡淡柑香，續泡第三次才出普洱味及其茶湯色。味道醇滑。以為小青柑皮不及陳皮重味，但筆者飲過小青柑普洱後試飲陳皮普洱，發現嗅覺同味覺都像失靈般，完全聞不到陳皮香、嘗不到普洱濃....陳皮普洱被比下去！推薦小青柑普洱端上茶後隨即送上餐前小食（免費）-炸豆腐配黑木耳青瓜，味道一般。這次專攻點心。篇幅有限，只能介紹幾款覺得比較特別嘅（不一定好食）：假日點心$
今次慶生🎂，先試點心⋯⋯。
同一般茶樓一樣，先揀茶葉。
如果係去慶祝生日吃晚飯，客人可免費飲升級版茶葉。
疫情關係無晚市，詢問下經理照給我哋免加錢飲「升級精選極品茗茶」，生日送的壽包亦己準備咗！👍
一般茶錢每位$48，升級版的普洱系列就由每位$88 至 $138。Tea list 還有各款紅茶、白茶等供選擇。
🍵我哋二人揀選的兩款升級茶葉都係用蓋碗杯做茶具。
🍵陳皮普洱$88/位
採自2012年成熟大紅柑果皮及2008年普洱為原材料。注意：不是陳皮同普洱一起陳化！沖泡一分鐘己見色澤，陳皮香撲鼻。口感醇厚。
陳皮普洱茶葉
$88
40 views
1 likes
0 comments
🍵小青柑🍊普洱$98/位
普洱茶葉放在小青柑內陳化（2016），茶味要透過青柑出味。首泡先出淡淡柑香，續泡第三次才出普洱味及其茶湯色。味道醇滑。
以為小青柑皮不及陳皮重味，但筆者飲過小青柑普洱後試飲陳皮普洱，發現嗅覺同味覺都像失靈般，完全聞不到陳皮香、嘗不到普洱濃....陳皮普洱被比下去！
推薦小青柑普洱
小青桔普洱
$98
37 views
0 likes
0 comments
端上茶後隨即送上餐前小食（免費）-炸豆腐配黑木耳青瓜，味道一般。
這次專攻點心。篇幅有限，只能介紹幾款覺得比較特別嘅（不一定好食）：
假日點心$102/3件
假日點心無定款，今期係山竹牛肉。賣相同普通一般酒樓的完全冇分別，食落較一般的少放豬肉，但牛肉仍可保持滑溜。是否值$34一粒呢？答案係否定嘅。
山竹牛肉
48 views
0 likes
0 comments
腸粉類只試最貴的一款：豉汁龍蝦馬蹄腸粉$250/碟
上碟時冇想像過佢就係龍蝦腸粉！太多菜🥬喇，仲係用咗小棠菜😩
嗰種期待咬到龍蝦🦞但又俾啲菜頂住嘅感覺，真係好失落😞
豉汁龍蝦馬蹄腸粉
49 views
0 likes
0 comments
豉汁配龍蝦更加覺得唔夾....
食新鮮龍蝦好過。
蒸餃部份全部試晒，疫情期間，限二人一枱，原本一籠四件，而家可以逐件叫！靈活變通👍
蝦籽星班餃$80/件
用貴價食材做點心，以本傷人，照計一定好食咗。原來用靚嘢做點心係大挑戰，因為點心細細件，材料用唔到多，要令客人品嘗到件靚嘢真係考功夫。估計因此這件點心size比一般的大，就係要令大家食到多幾啖星班。魚鮮係食到嘅！
蝦籽星班餃
46 views
0 likes
0 comments
金瓜崧子素箘粿$102/3件
微綠色粿皮晶瑩通透，賣相吸引！粿皮Q彈，餡料豐富，崧子畫龍點睛。味道出奇地佳。
金爪崧子素菌粿
28 views
0 likes
0 comments
原隻鮑魚雞粒酥 $86/件
選用16頭的南非鮑魚原隻上，雞粒墊底，淋上鮑魚汁封邊。
鮑魚預先在中間切開一刀，方便入口。
為咗要試真鮑魚嘅味道，將鮑魚分開食。雖然細細隻，但鮑魚味濃，有咬口，真係好味😋
原隻鮑魚雞粒酥
114 views
0 likes
0 comments
XO醬栗子燒鵝盞 $102/3件
木魚絲放面，燒鵝有煙薰味，加入栗子平衡口感，XO醬令整個盞變得惹味。這個批底（盞）比鮑魚酥的酥做得薄、焗得更香。
XO醬栗子燒鵝盞
68 views
0 likes
0 comments
聽説陳恩德師傅對擺盆的概念是一切從簡，因為擺得盤來，點心已經放涼。
🍰 甜品
🧁蜂蜜薑茶糕、桂花椰汁拉糕、楊枝甘露。
壽包同慶生碟上的甜點是龍景軒送的。壽包蓮蓉餡味道正常。
兩份糕點都Q彈，亦分別有薑味同椰汁味。
品嘗之際筆者突然聞到隻义有腥味，連鼻子不靈敏的同伴亦聞到。於是邀請侍應聞下兼更換。真係難以置信，在一般酒樓都未遇過呢種情形。
另外，叫咗「燕窩蛋白燉鮮奶」等咗半小時還未到，追問下才發覺漏單，今次無機會試。
漏單兼隻义有腥味，經理致歉。最後免咗我哋甜點費用及送上兩包茶葉連食譜一張。
雖然服務上有啲不足，但今餐品嘗到小青柑普洱，又試咗十二款點心及幾款糕點，大快朵頤！
米之連三星得來不易，下次要去試其他菜式。
所以要分去兩次囉！
Post
