Video
Read full review
2017-05-30
1501 views
朋友既公司就響附近, 佢午市成日黎飲茶, 成日都話想黎食晚市雞煲火鍋, 今晚趁唔洗OT又一齊黎試下.唔係朋友講都唔知isquare隔離呢間食肆, 門口對正巴士站.環境好大, 一般酒樓火鍋格局, 不過冷氣抽風足唔侷.亞姐介紹$168餐有D咩, 先黎有點心, 之後係雞煲, 食完就可以打邊爐.飲品自助形式, 多款大路野, 要左呢個芬達荔枝, 唔甜幾好, 街鋪好似好少見到有得賣.少辣雞煲好惹味, 份量多. 炒過下焗一陣開始食, 雞肉肥大肉厚, 但唔鞋口, 保持肉嫩, 又入味. 辣度唔算太辣, 少少麻, 好易入口, 越食越滋味.咁上下可以放湯打邊爐, 等緊湯滾時, 侍應就拎左一盤火鍋配料, 肥牛唔薄, 食落有口感又彈牙, 肥瘦平均.鯇魚片新鮮無腥味, 肉質滑溜, 而且大大片.青口幾肥美, 漲卜卜, 食落都好彈牙.餃子又係大大粒, 餡料以菜粒為主, 健康D又無咁飽肚, 皮幾薄.海蝦幾大隻, 鮮甜爽口. 打丸夠彈牙.食完個餐本身既配料, 仲可以追加其他野, 豬牛羊丸蔬菜, 麵烏冬咩都有.追加左羊肉片, 大大片份量唔少, 有D脂肪食落較嫩, 羊肉味香濃.追加埋芝士腸, 芝士丸, 金菇, 正常野, 份量
唔係朋友講都唔知isquare隔離呢間食肆, 門口對正巴士站.
環境好大, 一般酒樓火鍋格局, 不過冷氣抽風足唔侷.
亞姐介紹$168餐有D咩, 先黎有點心, 之後係雞煲, 食完就可以打邊爐.
飲品自助形式, 多款大路野, 要左呢個芬達荔枝, 唔甜幾好, 街鋪好似好少見到有得賣.
少辣雞煲好惹味, 份量多. 炒過下焗一陣開始食, 雞肉肥大肉厚, 但唔鞋口, 保持肉嫩, 又入味. 辣度唔算太辣, 少少麻, 好易入口, 越食越滋味.
咁上下可以放湯打邊爐, 等緊湯滾時, 侍應就拎左一盤火鍋配料, 肥牛唔薄, 食落有口感又彈牙, 肥瘦平均.
鯇魚片新鮮無腥味, 肉質滑溜, 而且大大片.
青口幾肥美, 漲卜卜, 食落都好彈牙.
餃子又係大大粒, 餡料以菜粒為主, 健康D又無咁飽肚, 皮幾薄.
海蝦幾大隻, 鮮甜爽口. 打丸夠彈牙.
食完個餐本身既配料, 仲可以追加其他野, 豬牛羊丸蔬菜, 麵烏冬咩都有.
追加左羊肉片, 大大片份量唔少, 有D脂肪食落較嫩, 羊肉味香濃.
追加埋芝士腸, 芝士丸, 金菇, 正常野, 份量都係唔少.
總結樣樣份量都充足, 祗怕自己唔夠食力食晒咁多樣配料.
Post
