皇御園 (Closed)

食評都寫過幾次，評級都唔錯，通常都係用app book有折，拉返高個CP值。喜歡點呢度嘅小菜，點心始終難以突圍而出。當初佢嘅服務真係比得起五星酒店嘅，但係而家就有點兒遜色，少咗主動，殷勤欠奉，同普通酒樓無異，要加把勁啦！地方寬躺，兩個人坐張幾大嘅枱，夠晒社交距離，茶水都有蠟燭保暖，不過茶壺同水壺就放咗喺張枱嘅一東一西，侍應又唔會好似以前咁幫你斟茶，自己差唔多要起身先至攞到壺茶。第一碟就先來炒菜，上菜次序可以改善下，跟住就上炒牛河，係容易烹調嗰個就上枱先？點左五道菜，其實最理想係可以先上灌湯餃，最後先上炒河炒菜⋯⋯ 每人一碗嘅灌湯餃，上菜嘅時候又唔係放喺你面前，求其搵個空位就咁擺低，可以細心一啲⋯⋯佛跳牆灌湯餃料足夠鮮味，有一口翅過下口癮。珍寶蠔煲就唔係太過珍寶，上枱時唔夠熱辣辣，冇火焰嘅感覺，不過蠔都算新鮮，唔太油膩。炒黃鱔就不過不失。臘味炒芥蘭度夠精緻，只有批晒皮嘅芥蘭度，臘味亦唔太肥，夠香口。炒牛河夠乾身，唔會好油，料夠足，不過就唔覺得有落到XO醬去炒，但依然欣賞。個人來講喜歡少鹽，呢度嘅菜式大致上都比較偏鹹。其實整體呢間餐廳係唔錯嘅，可以有頂級食府嘅風範，但係現在有點而今非昔比，