陶源酒家 (Closed)

來到尖沙咀，不想頭痕，最方便來isquare～此處，多數有位。 枱布淡黃，櫈用白布蓋（質差差地），燈又白，太陽光照下更白，顏色無分明對比，提議最簡單換櫈或枱布顏色，棗红或深啡，主事人真係要花些心思調調色，好浪費嗰場地，咁海景！ 原隻鮑魚燒賣＄68 2件，鮑魚味濃，有口感煙韌，豬肉白雪雪爽口彈牙味鮮，好過好多中餐廳！ 姬松茸遼参粉果＄36，聽個名就好有益及高品，餡飽滿，夠大隻，姬松茸多味濃香，正！ 和味叉燒酥＄34，算大隻，义燒雖餡飽滿，香氣欠少少，味以此價合格，穌皮層少且薄，抵食。 奶皇千層糕＄32，不是懷舊款，鬆軟，蛋香，奶皇薄薄。 生磨蛋白杏仁茶@24,杏汁香，蛋滑，加粉少，潤肺潤口，相信生磨，美味，好過近日食過龍壐。請大圍多人食飯，這褱見得人，拜得神，地方高级，食物有水準，好過東海及觀塘龍皇！装置换點或加點色彩更滿意，配合陶源意境！