聯邦皇宮 (Closed)

好友於這間酒樓擺酒，食物除了條魚蒸得唔錯外，其他菜式只屬一般貨色，但服務就……友人訂酒席的時候已經說好圍數，到開席之前發現仍有客人未有位坐，問酒樓經理，答覆竟然是：「我地無想過你地真係開禁多圍啊嘛」。仲叫D親朋戚友攝埋其他圍坐，明明有地方開多兩圍都要堅持同主人家爭拗一大輪才肯死死氣拜檯。上菜超級快，本是好事……但收菜亦快得驚人，賓客未食完，D侍應就爭住收，明顯趕住收工；宴會期間又不斷播放超級大聲的音樂，要主人家多次提醒較細但都沒有反應，真的想趕客走。仲有，D食具都唔知有沒洗過，換來換去都係唔乾淨。下次有其他朋友擺酒，我都會叫佢地千萬唔好揀這間。