Here

Open Now

Now Closed

雞脾當道之時，雞槌仔更啱心水，冇嗰種要趁熱一次過食晒成隻脾的壓力。四件燒汁雞槌、一份蟹籽芝麻醬冷麵加一罐飲品睇落細細份，食吓食吓都飽肚。好耐冇飲清涼爽，推介自行加冰減甜。留意小店齋做外賣，冇堂食，啱晒依家齊齊抗疫買返屋企開餐。麵條爽口夠涼，芝麻醬份量剛好，條條麵都掛到醬，唔係醬浸麵，喜歡；雞槌仔大細平均，冇煮過龍梅梅爛爛，賣相吸引。不過呢，雞肉淡口，單靠燒汁加味，味道唔夠豐富喔。特價時段餐價減五蚊，有借口試其他餐。