Felice Cafe & Pasta (Closed)

近排見咁多人話鍾意支持小店咁我就梗係跟下大隊一齊之前小店啦。 同朋友嚟到呢一間小店 我哋二話不說即刻嗌咗嘢飲先，因為近排天氣真係好熱。芝士奶蓋百香果紅茶及芝士奶蓋白桃紅茶: 其實兩杯嘢最大唔同當然就係百香果味同埋 白桃味， 但其實兩杯嘢有個共同特點就係佢啲芝士味都幾重下。 我自己就鍾意由下飲到上， 試咗佢嗰啲白桃茶先，然後就慢慢試個芝士，因為芝士味濃所以可能會影響到茶味，但係試咗茶先，你就可以再試到濃味嘅芝士味。 呢杯嘢我自己覺得調教得唔錯，各有特色。牛油果卡邦尼意粉: 其實呢個卡邦尼意粉我覺得都幾好食，因為我鍾意佢夠曬creamy，另外就係我鍾意佢上面嘅蛋黃，撈埋一齊落個意粉度，感覺好幸福。 另外佢落咗都算多嘅牛油果咁牛油果我覺得食落都好健康。巴馬火腿pizza： 呢個pizza我都好鍾意食，因為佢薄薄地，而且有我最鍾意食嘅parma ham，芝士同埋茄醬令到成個pizza醬同芝士嘅比例都啱啱好，Pizza本身嘅厚度係薄批，所以成個批都唔算太肥膩。 overall成個pizza整得真係唔錯嘅。最後如果大家行開銅鑼灣，可以試下呢一間小店。 因為自己覺得啲食物都整得唔錯。