Video
Read full review
2016-11-22
440 views
港島西線開通後，西環成為近日美食熱點。放半日假，跟朋友黎到第三街搵食。朋友去過西班牙留學後，就熱愛西班牙菜，同佢去食西班牙菜就好似帶左一個導游一樣。餐廳唔難找，門面好繽紛好有活力。店名Chico Chica就等於英文的boys and girls，玩味十足。入去見到裝修佈置都甚具風格，顏色鮮豔，線條十足。牆壁同台面都用上唔少磚瓦，好醒神。店主非常熱情，可能我地過左lunch hour先去食，佢有時間可以慢慢介紹佢的餐廳同飲食理念。吧台上面有唔少特式既裝置，有點外國風，全部都係店主一手一腳添置的。雖然我地兩點先入座，但都可以點set lunch。選擇唔係十分多，但每一樣都好吸引。下單後店主主動提供餐前小食，係一款鮮茄醬脆麵包。麵包非常薄，少少脆，有dd似係餅乾但更鬆軟。茄醬十足茄味，整體感覺十分有趣，係第一次食到呢款餐前小食。朋友介紹返，原來呢款小食在西班牙隨處可見，只係香港採購材料不易，製作又花工夫，平時我地先無咩機會食到。《Orange Fennel Salad》Set lunch可以在沙律同湯中二選一，我地不約而同選了Orange Fennel Salad。香橙香甜多汁，茴香香濃獨
入去見到裝修佈置都甚具風格，顏色鮮豔，線條十足。牆壁同台面都用上唔少磚瓦，好醒神。
店主非常熱情，可能我地過左lunch hour先去食，佢有時間可以慢慢介紹佢的餐廳同飲食理念。吧台上面有唔少特式既裝置，有點外國風，全部都係店主一手一腳添置的。
雖然我地兩點先入座，但都可以點set lunch。選擇唔係十分多，但每一樣都好吸引。
Tomato Bread?
5 views
0 likes
0 comments
Orange Penel Salad
9 views
0 likes
0 comments
Set lunch可以在沙律同湯中二選一，我地不約而同選了Orange Fennel Salad。香橙香甜多汁，茴香香濃獨特，配上各式蔬菜，十分開胃。
Seafood Fideo
$118
6 views
0 likes
0 comments
Seafood Fideo
$118
7 views
0 likes
0 comments
呢個又係另一款新奇有趣的美食，西班牙海鮮飯就食得多，Fideo就從來無食過。Fideo其實係細細條既粉，質感介乎米粉同米線中間，頗有咬口。Fideo比起Pealla中的飯粒更能吸收醬汁的香味，同海鮮的鮮味，十分惹味。除左粉底外，粉面既材料亦唔簡單，雖然只係lunch set但十分足料，大蝦爽甜，蜆肉鮮味。事後聽返店主講，每一樣海鮮佢地都係即日採購的，難怪鮮味十足。
Japanese Cod Fish
$158
5 views
0 likes
0 comments
賣相擺碟一流，銀鱈魚上鋪滿粒粒，問清楚店主原來又係西班牙特式食材，係一種澱粉質。銀鱈魚慢火煎香，表皮香脆但內裡肉質嫩滑。日本空運的銀鱈魚質素特別高，膠質較為豐富，魚油味亦較香濃同突出。澱粉粒粒脆脆地幾有咬口，點上紅咖哩醬汁，甜甜地辣辣地，好有層次。
$15
2 views
0 likes
0 comments
悠閒的下午點可以無甜品呢？放半日假的long lunch當然要以甜點作結。原來set lunch加$15已經有daily dessert。呢個甜點亦唔簡單，令我地大開眼界。表面有點似梳乎里，軟綿綿的有少少泡，充滿雲尼拿同肉桂香。食落去就有驚喜！原來泡泡下藏有berries同柚子雪葩，完全估佢唔到！溫軟泡泡下係冰涼雪葩，口感同味蕾都充滿衝擊，十分醒神。酸、甜、香、滑、冰、熱，好複雜又好合襯，係難以形容的感覺，亦係最完美的句號。
好愉快的一個下午，只係百零蚊一位。除左美食之外，我地仲享用左一份誠意同一個故事。熱情的年輕店主有不時問我地對食物的意見，又分享佢對食物的睇法。言談間我地都感受到佢的熱誠同對食物的堅持。店主因為欣賞西班牙美食而盡力將原原本本的風味帶來香港。欣賞食物而去做餐館的人實在唔多，希望佢能如願以償，能夠找到有心人欣賞及支持吧。
Post
