東喜茶 (Closed)

同男友經過見到d飲品名幾有趣，所以買左杯芝士奶茶($28)試下。店員溫馨提示我唔好用飲筒住，建議先打開蓋傾斜45度角飲，飲左啖發現咁樣可以真正試到奶蓋同茶夾埋一齊既味道，奶蓋咸咸地加埋奶茶幾得意，飲完一啖會想再飲。奶蓋超過5cm厚，而且好！厚！實！之後轉用飲筒試下，發現味道差太遠，奶蓋還奶蓋，茶還茶，冇咩特別，於是索性丟左枝飲筒。比個tips大家，由於奶蓋好厚實，所以係要飲好大啖先可以飲到奶茶架！