十大碗粥麵專家

Open Now

Now Closed

有次經過太子，想食下雲吞麵，於是就上網搵下有冇雲吞麵店在附近，於是就搵到呢碗。 不得不說，本人都係一個外貌協會朋友，如果店面太污糟，或者望落會坐得唔舒服，就算好食到會飛天，打死我都唔會入去。而十大碗就無呢個問題，冇傳統麵店個種舊而不適的感覺，反而夠哂光猛，空間亦可以。 坐底叫左碗雲吞麵，無耐就有得食啦。首先賣相非常好，麵在上，雲吞在中，湯匙最下，咁就完全可以避免浸淋個麵。鴨蛋麵質爽口彈牙，好好食。雲吞剛剛好可以一口一粒，感覺紮實而不油膩。大地魚湯底，清澈甘香，配上清甜韮黃，回味無窮。老實講，本人不常吃雲吞麵，但感覺此處的雲吞麵是好食的，但亦說不出有任何特別。經過可以來試一下總括黎講，出品不錯。但想黎食最好避開飯點，因為印象中外賣都要等好耐。