烤魚工房

Open Now

Now Closed

味道食咁多次都咁正，魚雖然已經算係啖啖肉，但對我黎講都係比較多骨，魚肉好滑。辣我就叫左小辣，剛剛好，唔會刺口，帶出香味，如果怕辣嘅人可以一早拎起啲，因為會愈煮愈濃。飲品我叫左“手打渣男鴨屎香檸檬茶”走甜，好香檸檬味，個人好重視茶味，而佢呢杯茶味都算出，好清新，媽咪話配埋啲濃味嘢好match，好底飲，真係學店所講“必飲”。 串燒一樣保持水平，唔會柴。 茄子今次食就唔知點解會帶輕微酸，上幾次食都無，可能上面個蒜蓉醬問題掛。 我同媽咪都覺得份量超多，2個人食真係大滿足。價格方面個人認為係香港黎講算係品質份量同支出成正比啦。之前咁多次都係同朋友食，今次有機會就一次要帶媽媽去試下，我媽超級滿意👍我媽都話直得帶朋友黎試，好有口福😋