牛一 (iSQUARE國際廣場)

Open Now

Now Closed

牛一呢一間火鍋放題店近排推出咗二人套餐，大大碟手切牛頸脊🥩 加上 一盤見到都流口水嘅海鮮🦐，同埋任食嘅火鍋配料🥬、飲品🍹、甜品🍧，都只係人均$300就有交易，性價比幾高🫶🏻🫶🏻我哋叫個套餐就係 「厚牛頸脊肉の手切＋極上海鮮120分鐘🐮🦐 」 $598 兩位，套餐包咗450g 既手切安格斯牛頸脊 🥩 加 極上海鮮定食（鮑魚x2、原隻蠔 🦪x2、海蝦🦐x2、白鱔片🐟、魷魚🦑x2、花枝蝦滑🦐）海鮮定食上枱勁吸睛，必須要打卡！📸📸佢哋嘅前菜、火鍋配料、飲品 同埋 甜品都可以喺出面任攞，外面嘅火鍋配料目測都有60款以上，其中竟然連貴價嘅豆苗、外面比較少有嘅花生芽等等呢度都有😍😍呢個套餐仲包咗免費嘅鴛鴦湯底，我哋就揀咗姬松茸地雞湯🐔 同埋 中華麻辣湯🌶️整體嚟講，牛肉海鮮都有質素，自助區選擇又多，人均$300有呢一個體驗算係幾唔錯😌！