La Resaca (Closed)

溫泉蛋辣肉腸薯絲 $88肥妹仔未試過，今次第一次食！薯條切都非常之幼，然後拎去炸。食落去超香脆！入邊仲有好多西班牙傳統嘅辣肉腸，再加埋一隻流心嘅溫泉蛋，真係食到高潮。西班牙蛋餅 $88唔止得蛋，仲有煎到好趣嘅薯仔片同埋辣肉腸，我覺得西班牙菜嘅蛋料理好出色，食落去好香蛋味。香炸蟹肉丸 $58雖然係細細粒，但係每一粒全部都係蟹肉，食落口入邊蟹肉嘅鮮味係湧出來，超級好食。西班牙海鮮飯 $328我係呆咗，上枱係份量超大碟，而且配料係超級豐富！有青口，原條魷魚，蝦，帶子，處理得好出色。帶子係外表煎到微脆，入邊仲係好似刺身嘅感覺。蝦肉極級爽口彈牙，青口就好香。魷魚食落去好嫩滑。海鮮飯食落去好creamy，因為佢撈左類似蛋黃醬，食落去仲有微微嘅蕃茄味。西班牙檸檬啤酒飲落去驚清爽，一啲都唔似飲啤酒，一嚟到一定要。