Video
Read full review
2022-09-03
1144 views
父親節陪父親食父親喜歡的海上鮮去鯉魚門食海鮮, 又要價錢親民,又要回味無窮問10個第11個都答我梗係食海景第一次入去,果然係海鮮集中地, 林林種種, 包羅萬有,好似入左海鮮長廊咁海景位置比較入,睇地圖係唔會搵到路,一條路行到球場隔離就係海鮮可以自備亦可以到對面佢介紹既地方買呢度感覺唔似其他沿路既海鮮檔, 我唔覺得自己似獵物,可能我入世未深連檔口隻可愛狗狗都寧舍親民入到黎仲可以買下香口野做手信,例如合桃果D, 新鮮整好好食,價錢自己衡量5個人食, 除左自備3斤長腳蟹, 扇貝, 鮑魚, 瀨尿蝦,現場買埋琵琶蝦,仲有for刺身既象拔蚌、牡丹蝦book早d諗住睇埋日落,可惜多雲,不過最後見到曙光要睇海景記得book時講定,因為1樓都有分有景無景,唔係1樓就一定睇到海景入到去員工都好親切熱情招待先安排海鮮煮法, 加工費位位120 (唔知父親節有冇調整)坐低先飲杯茶食下開胃小吃, 子薑皮蛋我唔食,家人話普通無特別雖然節日爆棚,但好快就有得食,上菜適中唔會覺得要餓住等, 要開聲問下道菜幾時上~哇哇哇哇哇!刺身迷必食!黎到唔食既唔好話自己係日本達人象拔蚌刺身爽口鮮甜, 個膽唔怕膽固醇高既可以椒鹽食埋,
去鯉魚門食海鮮, 又要價錢親民,又要回味無窮
問10個第11個都答我梗係食海景
第一次入去,果然係海鮮集中地, 林林種種, 包羅萬有,好似入左海鮮長廊咁
海景位置比較入,睇地圖係唔會搵到路,一條路行到球場隔離就係
海鮮可以自備亦可以到對面佢介紹既地方買
呢度感覺唔似其他沿路既海鮮檔, 我唔覺得自己似獵物,可能我入世未深
連檔口隻可愛狗狗都寧舍親民
入到黎仲可以買下香口野做手信,例如合桃果D, 新鮮整好好食,價錢自己衡量
5個人食, 除左自備3斤長腳蟹, 扇貝, 鮑魚, 瀨尿蝦,現場買埋琵琶蝦,仲有for刺身既象拔蚌、牡丹蝦
book早d諗住睇埋日落,可惜多雲,不過最後見到曙光
要睇海景記得book時講定,因為1樓都有分有景無景,唔係1樓就一定睇到海景
入到去員工都好親切熱情招待
先安排海鮮煮法, 加工費位位120 (唔知父親節有冇調整)
坐低先飲杯茶食下開胃小吃, 子薑皮蛋我唔食,家人話普通無特別
雖然節日爆棚,但好快就有得食,上菜適中
唔會覺得要餓住等, 要開聲問下道菜幾時上~
哇哇哇哇哇!刺身迷必食!黎到唔食既唔好話自己係日本達人
象拔蚌刺身爽口鮮甜, 個膽唔怕膽固醇高既可以椒鹽食埋,好邪惡好香口的
第一次食活牡丹蝦刺身, 真係超正超彈牙, 鮮甜美味,回味無窮,絕對值回票價
爆肉清蒸長腳蟹
連員工都讚隻蟹揀得靚, 話D肉實的的, 問係邊度買
上湯伊麵琵琶蝦肉質、味道其實唔會輸比龍蝦, 唔駛下下食龍蝦
椒鹽瀨尿蝦MIX牡丹蝦頭
勁多配料,美味可口,又唔會過火太乾,送酒一流
椒鹽鮑魚
粉唔會太多,配料就多到唔駛錢咁
惹味又夠腍
粉絲蒜蓉蒸扇貝啖啖肉, 鮮甜嫩滑
海鮮既拿捏時間真係好重要,多一分鐘少一分鐘都爭好遠
自己係屋企點煮都煮唔到出呢個味道
而海景既廚師真係要讚,每碟海鮮既烹調時間都係岩岩好
完全展現到海鮮最鮮既一刻, 比10個叻s你s
最後有生果同桂花糕食~唔記得影
價錢: 均真, 物有所值, 連自備海鮮5個人成餐用左約4600
食物: 現場買既海鮮雖然唔多, 但刺身級數鮮味無窮; 讚完要再讚廚師既廚藝
環境: 傳統酒家網修, 舒適親民, 空間闊落, 鬆動唔逼, 雖然唔係落地大玻璃最前排但都睇到海景
服務: 不論對顧客亦見到員工之間既互動充滿親切感, 令人食得舒服自在
總結: i will be BACK
Other Info. :
1. 父親節預先book位 request海景, 而海景係1樓所以要行樓梯,對年長長輩比較唔方便,員工見狀主動攞野扶持上樓,非常貼心舉動,抵讚
2. 歡迎自備海鮮, 父親為呢餐做足功課, 睇Youtube教路先去觀塘瑞和街鮮到鮮得買海鮮,係超級多人買,有車不仿試下, 無車其實去到現場佢帶你買都可以, 唔怕比人劏
(The above review is the personal opinion of a user which does not represent OpenRice's point of view.)
Post
