至尊滿屋日本料理 (Closed)

我發現食放題既慾望係真係唔會停🤣今次黎到旺角，第一次食呢間至尊滿屋！一黎緊係嗌返個海膽手卷先！海膽好甜又creamy，我覺得滿屋系列既海膽手卷都唔會差得去邊😀每次都一個接一個咁食，好正！！跟住就嗌返啲壽司食下！帆立貝壽司好鮮味，再配埋佢上面酸酸地既汁，好開胃！燒左口魚邊壽司都係一如既往既肥美、充滿油香，加埋啲蔥又係好清爽！最有驚喜係黑松露拖羅壽司，拖羅好有油脂香同好軟身，加埋上面啲黑松露醬，好似呼吸入面都有黑松露咁！放題冇乜可能唔嗌既刺身🤤最有驚喜係個貝類，好大片又超爽口！仲有翡翠螺，螺肉好爽口又好甜😙好食！鰻魚壽司係我食太多生野後會點黎暖下個口既野😁鰻魚好軟有醬香，食太多魚生食返啲暖野會令戰鬥力大升！呢個壽司非常有趣，我冇乜點食過千島醬+三文魚既配搭😂但都幾好食的😆燒菠蘿超級超級甜！燒得好足好好食！牛舌好淋又大片又厚，必點啊！每次食完放題就會諗食下一次放題😂你話我舖放題癮點甩🤣🤣