Video
Read full review
2007-08-14
34 views
前幾日男朋友仔生日, 睇過各位食客o既食評, 都係一句抵食夾大件,仲要又平又好味, 所以想帶男朋友去試下。又因為睇過呢度o既食評, 知道服務態度唔係咁好, 一早已經有心理準備, 但係冇諗過d 態度差成咁。一早打電話去訂枱, 好明確咁問個waiter, 我男朋友生日, 會唔會有d cake 俾佢, 佢話有, 仲話兩個人o岩o岩好, 價錢合理, 咁我即刻落訂, 佢仲好醒目咁話食完dinner會送上。我都同佢講希望有張靜d, 冇咁近門口o既枱, 佢話okay okay, no problem。okay, o個日去度，訂七半，竟然要等兩三個字，咁我訂lai做咩? 最嬲o既係隔離有4個外國人，明明就係聽到佢地問「我地冇book, 會唔會有位」, 但係竟然早過我地入去! 入到去仲要坐路口位o既二人枱，我都唔知我訂o個時講咁多野做乜!好啦，難得黎到，叫左兩碟野食，真係如各位食客所言，又好味又抵食*茄汁雞胸闊條麵，好明顯佢d雞肉係烤過先放落去一齊炒，仲保留到雞o既口感同鮮味，真係好正~另外肉眼扒，五成熟配正宗薯菜，再加大龍瑕伴碟, 每樣野都夾得o岩o岩好~又真係如各位食客所講, 食完佢d野即刻gur哂
又因為睇過呢度o既食評, 知道服務態度唔係咁好, 一早已經有心理準備, 但係冇諗過d 態度差成咁。
一早打電話去訂枱, 好明確咁問個waiter, 我男朋友生日, 會唔會有d cake 俾佢, 佢話有, 仲話兩個人o岩o岩好, 價錢合理, 咁我即刻落訂, 佢仲好醒目咁話食完dinner會送上。
我都同佢講希望有張靜d, 冇咁近門口o既枱, 佢話okay okay, no problem。
okay, o個日去度，訂七半，竟然要等兩三個字，咁我訂lai做咩? 最嬲o既係隔離有4個外國人，明明就係聽到佢地問「我地冇book, 會唔會有位」, 但係竟然早過我地入去! 入到去仲要坐路口位o既二人枱，我都唔知我訂o個時講咁多野做乜!
好啦，難得黎到，叫左兩碟野食，真係如各位食客所言，又好味又抵食*
茄汁雞胸闊條麵，好明顯佢d雞肉係烤過先放落去一齊炒，仲保留到雞o既口感同鮮味，真係好正~
另外肉眼扒，五成熟配正宗薯菜，再加大龍瑕伴碟, 每樣野都夾得o岩o岩好~
又真係如各位食客所講, 食完佢d野即刻gur哂。
但係最嬲o既事終於發生啦。
差唔多食完，我借故起身同一個waitress講，我之前訂左個蛋糕, 可以上啦。
佢竟然同我講:「咩蛋糕? 我地呢度好多人訂蛋糕gorwor, 你訂o個個係咩?」
同佢講完我訂o既過程之後，佢又話:「好啦，我幫你查下啦」
更唔識做o既野係，過左一陣，佢行埋lai，當住我男朋友面前同我講:「小姐，你訂o個個蛋糕我地冇資料wor，你係咪冇訂到呀? 一係你地試下我地o既布丁啦,都好出名gorwor」
因為佢o既態度，我同我男朋友食完就即刻走，點樣都唔願意再坐耐d。
佢o既野食真係一流，但係要我再去中環呢間舖頭，我真係不敢恭維啦。
Post