霞飛點心拉麵 (Closed)

朋友生日講到明話想食上海野, 我就上open rice搵到呢間, 價錢適中, 評價唔錯。結果好滿意, 一行6人, 講講都讚不絕口, 全部食晒!百頁馬蘭頭呢款菜得好少地方有得食, 同行6人都係第一次試, 點知一試難忘呀, 好清新, 好好味, 作為第一道菜, 真係好適合, 成果人都醒神晒, 必試呀!!! 每人先食得兩舊, 真係唔係幾夠呀醉雞加$10可以轉雞脾, 不過我地都轉到, 唔駛轉都已經好好吁, 隻雞好滑, 夠凍, 而且好香酒味, 就係細碟左少少...鮮拆蟹肉小籠包呢個都好味, 入面真係有蟹肉, 有中上水平, 皮亦都夠軟熟都薄, 連上面的頂位都夠軟身, 其實我地仲有叫普通鮮肉小籠包, 不過妹子冇食, 但係朋友就話都好好味松子桂花魚個汁唔會太甜, 有少少酸酸地, 好開胃同好脆口, 一人分一D, 5分鐘都冇就成條魚冇晒, 不足的就係松子味唔夠雞絲粉皮呢個都整得好好味, D花生醬落得岩岩好, 雞絲唔韌, 青瓜絲爽口, 唔錯糖醋排骨原來我地一心想食個個係糖醋小排骨, 點知叫左糖醋排骨, 不過都好味, 都松子桂花魚個汁有D似, 不過就甜D, 排骨其實即係豬排, 豬排好腍, 但係又唔會好肥, 有