euro go go

Open Now

Now Closed

同好朋友去街，好耐冇食euro gogo，試下尼間好唔好食先。我去到首先拎位，好快都有位，見到間店好多人補襯，應該好好食，好期待。我地叫左龍脷柳菠菜闊條麵，煙肉蘑菇pizza半個，蜜糖雞翼5件，加6蚊要左蒜蓉片同香草忌廉湯，朋友另外加10蚊叫左杯凍咖啡飲品。香草忌廉湯。。。難飲，完全飲唔出咩味，同埋好稀，似水狀多過忌廉湯。至於朋友果杯，佢叫左少冰，唔知關唔關事，佢話勁甜。。。大家研究，下次除左少冰外，要記得講少甜。。。蜜糖雞翼好好食，我地覺得最唔錯龍脷柳菠菜闊條麵初頭都ok好食，但唔知係唔係冷氣直吹，佢好快凍左結左就變得好漏同埋唔好食。至於煙肉蘑菇pizza，口感咬落略為硬左d，似食緊餅乾多個似食pizza。。。食時唔熱，已變暖，有少少扣分。整體最好食係蜜糖雞翼，夠熱夠入味。。。其他唔洗再提。如果要我再幫襯，雞翼會繼續食，其他1律唔會再選。。。不過可能係我地黑仔咁岩唔好食呢？還是轉左廚師。。。最後可能係分店問題。。。我暫時都唔會再幫襯。