東哥點心籠仔蒸飯專門店

Open Now

Now Closed

作為大角嘴街坊廿幾年，見證依個鋪位轉手n次，今次就變左賣點心，其實都幾好既大角嘴區老人多又中意飲茶，我自己都好中意飲茶。星期日早上大概10:45都幾full，得番兩張兩人枱，好彩唔使等。今次叫左鹹水角，流沙包，蝦腸粉同埋生煎包。茶就揀左觀音～茶係茶包，唔大包不過都好快出味，加多轉水都夠味夠顏色。依度茶位每位$6又唔加一，比傳統酒樓慳唔少。不過應該就係點心到mark up番，普遍都20幾尾30頭～都reasonable 既。講番點心，蒸包類比較impressive ，包皮蒸得鬆軟，流沙真係好流👍🏻不過腸粉就麻麻地，唔知係味未解好凍，入面係一舊舊有啲硬，同埋蝦仲有殼～Overall都ok，係地方細左啲，同埋樓面唔夠人手，所以坐低左5分鐘都無人比menu我地睇，同埋張檯好細，要快啲食等樓面收野先有位放。