堅信號上海生煎皇 (屯門時代廣場北翼)

Open Now

Now Closed

屯門時代廣場新開咗間堅信號生煎包，星期六早上9點幾見有位，入去一試佢個早餐，點知一試即中伏。叫咗個$50秘製豬扒配上海麵早餐，送熱飲。上到枱，比佢份量嚇親，係細到嚇親。從未見過上菜豬扒咁細塊，開頭第一眼以為佢比錯雞扒，但明明餐牌無雞扒呢個選項。睇返餐牌，張圖幾靚仔，塊豬扒成個碗邊咁闊，再對比下我果碗……果然相片只供參考，OK無下次☹️☹️☹️。上海麵正常味道，所謂秘製豬扒似叉燒醬醃出嚟嘅味，太甜，唔好食。$50咁嘅份量同味道，唔值。其他餐廳會有更好選擇，甚至配有煎蛋/腸仔/多士。呢間試一次夠了。