龍門冰室 (Closed)

之前見社交平台 佢老闆話告急，諗住支持下黃店。第一次嚟，點知真係中伏。一嚟已經安排喺走廊位出出入入，d 姐姐成張推車撞埋嚟，唔會講唔好意思。問可唔可以安排坐梳化位，一句唔客氣話你得兩個人唔俾，我見其他人都係梳化位得兩個人。咁都算啦，係咁催落單。嗌咗個dinner set，20 分鐘都未黎，朋友叫姐姐望吓係咪漏單，個姐姐話一定冇，攞係你張單望下就算。朋友話，冇人幫襯其實好正常。咁就明白點解要告急，服務態度太差，收費又唔係平。食物味道一般，餐牌好少嘢揀，我問姐姐係咪剩係得ABCD餐，佢都係話餐單上面得咁多。最趕客就係依班服務生。