花見月 (Closed)

豬同老公到科學園吃花見月因為之前黎呢度拍拖，經過見到門面幾靚，d款賣相又唔錯，所以決定搵日黎試下。最鍾意d光猛嘅食店，全店裝修以玻璃窗為主，可以望到出面環境之外，仲令人睇落食店大d,感覺舒服。喜歡這個玻璃罩燈，閃閃發光，食客唔多，因為始終科學園唔算太就腳，但豬就喜歡寧靜，氣氛浪漫。叫左個北海丼同照燒澳洲和牛定食，$198，附送炸雞野菜沙律，刺身，味噌湯，非常豐富。味噌湯好味，好怕好鹹嘅味噌湯，我會叫佢味精湯，哈哈，不過呢個唔會，湯入面有好多配料，食到豆腐同昆布。而野菜沙律個醬汁係黑醋汁，酸酸地，好開胃。炸雞外脆內嫩，未試過食沙律配炸雞，都幾特別。三色刺身有三文魚（2），鮮帶子（1），大甘蝦（1）, 魚生算新鮮同肥美北海丼定食，入面有海膽，北海道帆立貝，甜蝦，三文魚同三文魚子,老公為左俾海膽豬食，於是特意叫呢個定食。顏色吸引，令人食慾大增。三文魚，帶子同甜蝦同刺身一樣新鮮甜美，而個海膽份量唔少，都係新鮮。牛肉無整到熟晒，肉質帶點微紅，食落有點韌不過味道唔錯。每個定食或刺身都有好多沙律菜，愛食菜嘅豬真係好滿意，飽到都已經食唔落今晚又係大滿足嘅一晚呀