鄰居 (Closed)

是日又係覓食之旅，聽聞深水埗同長沙灣有好多小店都唔錯，所以放工就去左依間鄰居試食一下手工漢堡先。係等緊位發現除外menu上既菜式外，仲有晚市扒餐: 主菜、薯條、沙律同飲品都有齊，咁就岩曬有選擇困難症既我地。 所以我地叫左1個晚市扒餐同大烤菇牛肉漢堡套餐，另加洋蔥圈，大烤菇牛肉漢堡一咬肉汁湧出黎，漢堡肉鬆軟多汁，配搭大蘑菇一齊食，非常滿足。跟餐揀左雙色薯條，原來係蕃薯條同普通薯條，炸蕃薯條好特別，一甜一鹹 ，估唔到係可以好夾的。 洋蔥圈粉漿好薄身，脆卜卜，洋蔥香甜，點埋蕃茄醬食，好正。晚市扒餐相對驚喜不大，點左5成熟牛扒，食落有少少過熟，沙律都新鮮。