Video
Read full review
2013-11-18
1708 views
之前講起身為香港人, 的確有好多地方無踏足過, 係時候要好好欣賞下呢個地方~由上環坐叮叮去跑馬地, 足足用左45分鐘 星期六人多車多, 雖然用左好多時間係坐車, 但可能係因為唔趕時間, 反而更加欣賞車外風景落車後, 漫無目的步行, 經過左一條斜路, 老公話係以前條斜路係比馬行, 我無去特別深究, 只係顧住上openrice 睇下有咩好食評禁下又行下, 結果今日去左呢間<新昌明> 搵食去到都已經係三點, 係下午茶時間 鋪頭唔大, 係一間茶餐廳, 而且仲好多人, 我地坐係卡位既一邊望住menu, 都唔知食咩好, 因為有太多選擇本來老公想要件西多士, 不過如果用下午茶黎講, 價錢就貴左了, 要$35所以我地都係選擇叫d 特別小小既食物牛根腩河$32--> 湯好濃郁, 飲完想再飲, 牛根腩夠入味, 而且係足料, 價錢唔貴魚蛋鼓油皇撈麵$40--> 撈麵一般, 好難咬開, 唔太覺得有味, 要溝埋湯一齊食先ok 魚蛋都無咩特別, 同平時食差不多, 呢個價錢同食物質素, 絕對係唔值 (就
由上環坐叮叮去跑馬地, 足足用左45分鐘
星期六人多車多, 雖然用左好多時間係坐車, 但可能係因為唔趕時間, 反而更加欣賞車外風景
落車後, 漫無目的步行, 經過左一條斜路, 老公話係以前條斜路係比馬行, 我無去特別深究, 只係顧住上openrice 睇下有咩好食評
禁下又行下, 結果今日去左呢間<新昌明> 搵食
去到都已經係三點, 係下午茶時間
鋪頭唔大, 係一間茶餐廳, 而且仲好多人, 我地坐係卡位既一邊
望住menu, 都唔知食咩好, 因為有太多選擇
本來老公想要件西多士, 不過如果用下午茶黎講, 價錢就貴左了, 要$35
所以我地都係選擇叫d 特別小小既食物
牛根腩河$32--> 湯好濃郁, 飲完想再飲, 牛根腩夠入味, 而且係足料, 價錢唔貴
魚蛋鼓油皇撈麵$40--> 撈麵一般, 好難咬開, 唔太覺得有味, 要溝埋湯一齊食先ok
魚蛋都無咩特別, 同平時食差不多, 呢個價錢同食物質素, 絕對係唔值
(就係見menu 寫特別介紹, 所以點左呢個餐)
反而聞到後面檯食咖哩, 好香, 好吸引
食完離開再行前, 發現有間更古老既餐廳, 環境吸引左我, 可惜已經食飽, 又要等下一次!
ps 跑馬地屬於高尚住宅, 街上行人唔多, 好安靜, 閒時見到好路人帶住狗狗散步
高尚地方, 鋪租都特別貴, 所以食物貴一點, 也是正常吧~
Other Info. :
其實都好多人入黎食, 本來我地叫左牛根腩河先, 轉頭再叫~
點知轉頭叫, 幾次待應都無咩反應, 可能太忙, 所以下次一次過叫, 唔好分開叫, 唔係就要等下啦~
(The above review is the personal opinion of a user which does not represent OpenRice's point of view.)
Post
