囍雲軒 (The ONE)

Open Now

Now Closed

放假好想去食點心，剛巧經過這間酒樓，被點心賣相吸引了，酒樓新開，環境乾淨，樓底高唔會太嘈，侍應有禮貌，點心造型亦都好特別，最重要就是全部點心都夠熱。叫了以下幾款點心:點心盛盆～蝦餃，鮮蝦菜苗餃， 玫瑰花饅頭都好味，不過燒賣就一般，食落比較淋身畫眉鳳梨蘇~用雀籠來裝住小鳥，鳳梨外皮暖暖地， 菠蘿餡唔甜，幾特別盆栽小蘿蔔~ 蘿蔔絲酥熱辣辣，蘿蔔好甜，外層鬆化，盆底泥土是用朱古力餅碎同穀麥片製成，旁邊仲有幾粒朱古力石頭，好味雀巢流沙煎堆仔~煎推鬆軟又煙韌，裏面真係好流心，奶黃味道適中紅糙米網野菌金瑤腸~ 腸粉皮是用紅糙米製成，裏面有好多野菌同瑤柱， 米網又脆 ，口感十分豐富，正芝士蝦長春卷~ 熱辣辣春卷好有口感，裏面好多蝦，配埋沙律醬好味龍蝦湯鮮竹卷～ 鮮竹卷正常，配埋個龍蝦湯好夾白肉鮮淮山棉花雞～棉花好大舊，雞唔會太咸，淮山鮮甜整體都可以，值得一試。