Lex Coffee (Closed)

Lex coffee係西環一間比較搶眼嘅西餐廳，唔單止樓底高，以外裡嘅裝修同佈置都十分前衛，可惜食物質素有待改善。1. 蟹肉蟹子芒果沙律沙律本來係開胃同埋先聲奪人嘅菜式，可惜呢份沙律九成都係菜，點睛嘅配菜份量少得可憐，蟹肉、蟹子，芒果，都係一啖起兩啖止。2. 慢煮西班牙八爪魚全晚最好食嘅一道菜色，慢煮八爪魚煮嘅時間剛剛好，入口非常林wai，最抵讚係菜式嘅汁調得非常開胃，酸酸甜甜，食到非常香嘅橄欖味。3. 虎蝦意粉以一道接近$180嘅意粉嚟講，質素令人頗為失望。虎蝦質素不過不失，但意粉只有茄汁茄膏嘅味道，完全冇蝦嘅鮮味，而且份量偏細，不值得推介。4.雪橙冰紅茶回應開首所講，餐廳嘅通病係視覺比美國出色，以呢度茶為例，儀式感同裝飾都十分出眾，但味道真係平平無奇，而標榜嘅橙，份量都係少得可憐，基本上只係飲到茶味。最後，真心建議餐廳加闊座位同枱，以二人枱為例，闊度只係同一個成年男士肩膊闊度相若，基本上枱上每次只能夠放一道菜色，食客既餐碟亦都要不斷就位，其實非常影響用餐體驗，希望餐廳能夠改善。