我愛伊斯坦堡 (Moved) New Location

有驚喜！老闆態度親切友善，餐廳環境佈置有心思，有家的感覺，還有幾隻超可愛的肥貓貓最重要是食物好好味而且土耳其菜其他地方比較小有，我一試難忘，會再去食，真係好值得試，相信試過你都會愛上這間餐廳。我試了四款菜：秘製招牌烤雞配飯，自家土耳其乳酪芝士炸物拼盤，東歐牛肉腸脆脆薄餅，東歐特色釀素瓜。都好有特色同好好味。好喜歡個炸芝士，用左土耳其嘅乳酪芝士加芫茜做餡，薄餅皮包住炸，外面香脆，乳酪芝士帶小小酸味，整體好香好開胃好特別，必試。另外個牛肉腸pizza都好好味，用左來自土耳其嘅牛肉腸，味道偏濃，同芝士都好夾，加埋個好薄好趣嘅薄餅皮，真係好好食。仲有土耳其沙煮咖啡，第一次見沙煮，好有特色，原來飲晒咖啡，啲咖啡渣仲可以占卜，好有趣，老闆話好準，哈哈，有興趣可以占卜下。