小排檔懷舊車仔麵 (Closed)

今日經過深水埗，見到間小店外貼上好多圖片，有魚蛋,魷魚，咖哩雞翼尖，牛柏葉等，都係車仔麵嘅餸，非常吸引。店長好熱誠，好親切。她推介我食首創准生麵。最低食係6寶麵，即係任選6種餸加豆漿，如飲自家煲嘅涼茶就要加錢。我當然選准生麵，豬手，豬皮、魷魚，蘿白、豬紅、牛腩。先講吓准生麵，麵質爽滑彈口，好食過拉麵。豬手係冷盤，面層雪白骨膠原特別爽口，再加上小小醋，酸甜清膩，增加食慾。魷魚入曬醬汁味道，都幾彈牙好食。我配左果沙嗲湯底，本身唔辣，但我加左店鋪內自家制辣菜圃，立即開謂起來。店長話菜圃是自己切粒的，特別容易入口。辣味十足。另外我特別要讚嘅係佢地嘅自家制涼茶，今次飲到夏桑菊，好飲好解喝，消暑一流。另外我朋友都叫左6寶麵配河粉咖哩汁。飲瑪卡蜜。咖哩汁夠濃夠辣好有懷舊味道，尤其魚蛋好好味，豬腩肉豬耳都好爽口。瑪卡蜜清甜解喝，仲可以消除疲勞。呢個時候飲最適合。