成仔記粉麵

Open Now

Now Closed

自細就喜歡食雲吞麵，成仔記暫時係我最鍾意嘅雲吞麵之一。今次叫咗粉麵套餐，雲吞➕鯪魚球，幼麵，雙拼$38。雲吞一向都食開，又薄又滑嘅外皮，包住彈牙嘅蝦同肉，大大粒，超好味。今次第一次食鯪魚球，好似乒乓波咁大粒，感覺幾新鮮，啖啖肉。加多幾蚊，就可以加埋菜心，感覺再健康少少，當然唔少得杯檸檬茶啦。值得一提嘅係，呢度嘅辣椒醬係自家製，辣度幾高，作為辣妹嘅我都覺得幾辣。不過加咗之後，絕對可以提升碗麵嘅質量，所以每次點都要落少少！