英記美點小食 (Closed)

雖然家離新蒲崗不遠，但若非要去Mikkiki的一田的話，實在好少係呢頭出沒。印象中最出名的食肆還數得龍，其他呢？好像又數不出來。懂得去老字號英記一試是因為看過一食家的食評，知道它最馳名的是豬油撈麵，要知道仍會用豬油做菜的地方在香港已買少見少，那又怎可不試呢？店鋪裝修非常簡陋，就是擺明做街坊生意，不過阿姐都非常友善熱情，就算第一次去都有份親切感。呢度的豬油撈麵叫六十年代撈麵（$23），單聽個名已充滿古早味。甫上枱已聞到陣陣豬油香，將麵同豬油、豉油拌勻，直頭香氣四溢，入口香而不濃，加上我喜愛的韭黃，真係錦上添花。麵條爽身有彈性，每條麵都掛上豬油香。不過分量頗多，多吃有少少滯膩感。復古巷仔雲吞麵（$23）係另一名物，賣相雖然一般，但雲吞做法都幾正宗，細細粒包成散尾狀，皮薄滑溜，餡料有蝦同豬肉，分量唔多，一啖一粒剛好。舊式雲吞麵店枱上多數有樽醃辣椒蘿蔔，可以免費任食。呢度都醃得幾酸，蘿蔔夠爽脆，不過我都係比較喜歡劉森記的。值得去指數：