Homeland (東昌街) (Closed)

難等同屋企人黎大埔，想食埋飯先番，就見到呢間homeland.見到有兒童餐，阿女雙眼發光，入面哥哥姐姐又好nice , 所以就入左去。 餐牌說話令人感到呢度真係家的感覺，令人放鬆輕鬆舒服。 叫左金菊花茶飲輕鬆下，最近訓覺都麻麻地，呢度餐牌會寫埋各款茶有咩功能，岩晒我呢種睇功能選野既人。 自家製牛肉芝士pizza 有小小辣，芝士味濃，餅底夠脆。阿女勁鍾意呢款車車通粉，係小朋友口味，唔太濃味。呢度亦好細心，會俾小朋友餐具。 安格斯牛，5成熟，都夠份量，熟度剛剛好，可怕湊住女，只好急急食。呢個漢堡又好玩又好食，芝士再熱d會更好，欣賞有呢份心，薯條粗切，係我最愛。