百味村

Open Now

Now Closed

位於Kerry Hotel 既foodcourt，之前經過見到地方都大，有圓枱，方枱，Bar 枱，無論幾多人聚餐都一定有合適既枱。呢度仲有提供ikea 既bb highchair, 適合帶埋小朋友黎用餐，同場都見到唔少食客都有BB /小朋友同行。呢度用QR code 落單，scan 返自己張枱個code落單，就有專人送埋餐，每張枱都有一大卷環保衛生紙俾你抺下野，配套都幾好。scan 完code 就發覺起碼1/3 既食物都係寫不適用或者售罄，唔知係因為中午12點半時間尚早定咩原因。揀左燒肉眼丼配溫泉蛋，黎到實物都嚇左一跳。點解明明menu 粉紅色既肉眼熟哂既。精美既碗一睇就知係食完都唔飽既份量。味道方面牛味唔重，同超市買塊$4x扒煎熟熟差唔多。但個汁係幾好味既。另一個就叫左個burger $98手快快揀左，點知原來係冇薯條跟，$98 foodcourt 黎講又貴左d 了。牛肉係厚身，全熟。薯條要+$25啤酒有得揀既選擇已唔多，揀完點知又冇，職員埋黎再問想退錢定再揀其他，最後就揀左呢支少爺啤。環境唔錯，又冇限時，地方大，只係食物性價比低。如果唔係附近經過，或者酒店住客，都未必會食。