富臨皇宮 (Closed)

今日約咗契媽同契老豆係佢屋企附近食個晚飯。佢揀咗依間酒樓，因為貪佢可以坐得耐。我地叫咗個堂剪BB豬半隻、瑤柱金菇扒豆苗、野山參燉水鴨、離唔開有白飯同啤酒。瑤柱金菇扒豆苗：由於豆苗當造，所以好幼嫩，易入口。配上瑤柱，對鍾意食菜既人，值得推介。堂剪BB豬半隻：見到佢令我諗起新年或者生日，睇賣相已經覺得豬皮好脆，食落去暖暖地，皮堅好脆，肉味鹹鹹地得黎腍，好惹味，食得多有點膩。野山參燉水鴨：對我嚟講好抵飲，大約會有8碗湯之餘，仲有湯渣。 湯渣有半隻鴨、瘦肉同其他藥材，所以飲落去有藥材味之餘仲飲到原汁原味。個度啲姐姐話每日限量供應，賣曬就冇啦。