大樹先生的家 (D2 Place TWO)

Open Now

Now Closed

第一次去親子餐廳，原因係有個新進媽媽朋友生日啦！難得佢個女都就嚟一歲，所以就帶埋佢哋一齊出去玩下啦！呢間大樹先生非常好！因為樓下泊車都好方便，一家大細一齊出動，揸架車就最好不過啦！食物方面，選擇亦都非常多，有面有飯有漢堡！飲品方面，亦都有熱又凍，款式都有好多，絕對唔會揀唔到飲乜嘢。我就叫咗一個熔岩芝士漢堡包，啲芝士多到不得了all day breakfast 亦都唔係求求期期喎，仲有啲生果伴碟，好健康！最開心當然係小朋友有得去玩波波池啦！可以玩嘅設施有好多，大朋友小朋友都好禮讓，輪流玩、一齊玩，總括來講係一個非常好嘅經驗！