Meraviglia Bar e Ristorante (Closed)

白石角科學園原來有一間頗高質嘅親子餐廳! 如果踩單車經吐露港的話，可以去呢間餐廳一試!餐廳行西式路線，內籠大，一家四口都坐得好鬆動舒適~因為大家都肚餓，所以立即order左兩個晚餐~店員話佢地嘅走地雞都出名好食，即管一試，又真係焗得幾香脆入味，肉質一D都唔"鞋"!而小朋友話想食pizza，所以都叫左個自家製蕃茄醬水牛芝士pizza，入口一樣香脆、芝味好濃，正啊!食飽飽就放小朋友去玩，餐廳內都好多娛樂設施，好似有廚房仔，搖搖馬、積木區等...outdoor就有彈床、賽車滑道、繩網陣同滑梯等...小朋友好開心！應承左下次要再來過!