Video
Read full review
2023-04-18
161 views
一家人睇完Mario電影，順便醫埋肚先返屋企，戲院旁邊有間餐廳，咁方便一於就响呢度開餐。 🧸呢間親子餐廳小朋友一入到嚟會好開心🧸🕹有幾部收費夾公仔機🪆個Play Area有玩具比小朋友放電🦜門外有幾隻可愛鸚鵡♟️有Boardgames借玩 安排好座位後，店員姨姨好有禮貌咁向我哋介紹餐廳食物，更主動送上填色紙比仔仔玩。 🍽開餐啦🍽🍛美國安格斯牛肉雙層芝士蘑菇漢堡配薯條 $90呢排愛上食Burger，呢度嘅burger份量十足，塊安格斯牛好大塊👍入口爆多肉汁有牛味，塊半溶芝士同埋又脆又軟嘅漢堡飽加晒分。Menu見呢度嘅薯條係主打，果然名不虛傳，‘’芝士鋪天薯條‘’用新鮮薯仔切條而成，配上秘製醬汁同芝士醬，條條都充滿醬汁唔駛加茄汁都好好味，必食推介👍 🍛兒童餐 $62兒童餐有兩款餐點可供選擇，以小朋友最鐘意嘅車仔餐盤盛載住食物。今次仔仔選咗A餐，食物包括：芝士肉醬意粉、蜜汁雞翼、牛油粟米，西蘭花。肉醬意粉份量適合小朋友，面層芝士拉絲睇見都流口水。蜜汁雞翼又香又脆，仔仔一口氣就食晒。食飽飽後店員送上軟雪糕甜品，兒童餐包飲品又包甜品，大滿足！
🧸呢間親子餐廳小朋友一入到嚟會好開心🧸
🕹有幾部收費夾公仔機
🪆個Play Area有玩具比小朋友放電
🦜門外有幾隻可愛鸚鵡
♟️有Boardgames借玩
安排好座位後，店員姨姨好有禮貌咁向我哋介紹餐廳食物，更主動送上填色紙比仔仔玩。
🍽開餐啦🍽
🍛美國安格斯牛肉雙層芝士蘑菇漢堡配薯條 $90
呢排愛上食Burger，呢度嘅burger份量十足，塊安格斯牛好大塊👍入口爆多肉汁有牛味，塊半溶芝士同埋又脆又軟嘅漢堡飽加晒分。Menu見呢度嘅薯條係主打，果然名不虛傳，‘’芝士鋪天薯條‘’用新鮮薯仔切條而成，配上秘製醬汁同芝士醬，條條都充滿醬汁唔駛加茄汁都好好味，必食推介👍
🍛兒童餐 $62
兒童餐有兩款餐點可供選擇，以小朋友最鐘意嘅車仔餐盤盛載住食物。
今次仔仔選咗A餐，食物包括：芝士肉醬意粉、蜜汁雞翼、牛油粟米，西蘭花。
肉醬意粉份量適合小朋友，面層芝士拉絲睇見都流口水。蜜汁雞翼又香又脆，仔仔一口氣就食晒。食飽飽後店員送上軟雪糕甜品，兒童餐包飲品又包甜品，大滿足！
Post
