翁記上海館 (Closed)

今晚去左慈雲山探姑姐, 佢話同我食上海野, 就帶我黎到翁記上海館~我地先一人一杯豆漿解渴，然後叫左幾個餸一齊SHARE~小食方面有小籠包、醉雞～小籠包多汁，皮唔厚亦唔會好易穿，唔錯。而醉雞肉質嫩滑，充滿酒香味，讚！之後叫左個湯年糕，麻婆豆腐、咸肉津白．湯年糕好煙煙靭靭，而且湯好清～麻婆豆腐有D 麻味，但又整得幾多唔會話好辛辣，而且份量都好多。咸肉津白唔會覺得好咸，食落幾香，又甜。呢度食野一D 都唔貴又好食，難怪姑姐極力推介！