尚海人家 (TKO Gateway) (Closed)

經過#尚海人家 間鋪頭，見佢地既餐牌價錢都抵食品，又有想食好耐嘅生煎包，一於黎2個套餐share食先😋。上海排骨擔擔麵🍜，排骨輕炸過可鎖住肉汁， 肉質okay。食上海野擔擔麵老友一定叫的，佢嘅湯底有碎豬肉同花生粒，味道適中，麵質彈牙，口感豊富。炸醬麵有大量炸醬肉碎，味道鹹鹹地，搭配清爽嘅青瓜絲，上海麵質地好爽口。套餐包2隻#生煎包 ，落去爆晒濃郁湯汁，底部煎得夠哂香脆😋，皮薄餡靚比例適中。價錢親民，故下次經開都要再試試佢地嘅菜飯以及杏仁茶先得。