小籠家族 (Closed)

《小籠家族》佐敦上海街我真係特別喜歡小店，因為每間都有自己獨特既味道🥰同事話好想食小籠包，所以就揾間上海小店試下，果然無揾錯👍無論食物同服務都幾好而且係街坊價，真正好食又抵食既😏❤午巿有套餐，客飯同湯麵類都有但選擇唔係太多，唔岩口味可以單點價錢都唔貴💫我地分別叫左客飯同湯麵套餐，仲可以用優惠價$13無限加小食類💞＜乾煸四季豆客飯＞$58好夠鑊氣，四季豆炒得好香好乾身👍＜酸辣湯麵＞$45超大碗份量，而已夠酸夠辣😋麵底好多我食唔哂，食到尾個湯都唔會變水👍＜家族小籠包＞$13+$13加$13有2隻，所以我地加4隻，皮薄多饀多仲有滿滿既湯汁，果然係正正既小籠包（我好怕皮厚）＜生煎牛肉包＞$13包面油左小許，底部無煎得脆脆，比較失望😐但牛肉餡好好食，期待下次有脆脆底比我＜上海春卷＞$13炸得不錯👍上海春卷感覺無咁油膩，好食😋街坊價錢但仲好食過集團，而且座位都舒適既，二位落單既男士都好細心，我地問熱豆漿有無先加糖佢話有，咁我地改要凍既，佢都再走入廚房問凍有無糖再返黎話我地知凍都有糖😂而且上菜細心慢慢放💞服務無得輸