牛壹台食 (Closed)

朋友仔話做嘢附近開咗間台灣嘢，無得去旅行就唯有靠食嘢啦！餐廳嘅牆有天燈相，加少少旅行感。招牌紅燒半筋半肉麵 關廟麵 $88叫牛肉麵可揀關廟麵或刀削麵，而我就揀咗幼身嘅關廟麵，口感較Q彈。牛筋牛腩都大大舊，食完真係好飽。必食滷牛飯 $62平時常見用豬肉製嘅滷肉飯，呢度就有用牛肉製成嘅滷牛飯，牛腩煮到好入味。加埋酸菜同蘿蔔一齊食仲無咁膩。️甜不辣 $36炸到好脆，好煙韌，個味似喺台灣檔仔食嘅味道。金桔檸檬紅茶 跟餐加$4酸酸地又有茶味，而且夠哂大杯，記得攪勻先好飲呀！百香果綠茶 跟餐百香果酸酸甜甜，幾適合獨熱無咩胃口飲。