大公雞 (Closed)

#搞串個pantry#葵廣 大家就可能去得多🤗，但係#KCC (九龍貿易中心)就比較少人會去，除非你喺附近返工返學。今次就嚟到KCC，發現入面都幾多嘢食😋，我哋就揀咗間食台灣嘢嘅餐廳🥢啦。今次我哋嗌咗四寶手工麵($65)、夜市番茄牛肉麵($60)。除咗麵食，呢度仲有飯類🍚，一啲台灣小食🍟，平均嘅價錢都比其他台灣菜餐廳平💰。四寶手工麵🌟🌟🌟好大碗，麵就用上粗條麵🍜，而四寶就係雞翼、牛筋、牛腩🐮、豬大腸。湯底有藥材味，但飲落都算清爽🤤，唔油膩。粗條麵食落唔彈牙，有啲粉粉地，唔太好😶。雞翼、豬腸就同外面車仔麵嘅感覺無分別。雖然menu上寫係牛腩，但出嚟係牛展，食落都算腍。而牛筋喺行爽滑彈牙路線，都唔錯🤩。夜市番茄牛肉麵🌟個湯底似係普通麵嘅藥材味湯底加上番茄🍅、番茄膏混合，所以飲落怪怪哋。麵同樣用上粗條麵，食落都係粉粉地。而牛肉同樣都係牛展嚟嘅😉。以價錢嚟講，的確平過外面大部分台灣菜餐廳，但就未必要特登去食啦。如果經過KCC，都可以去食下😚。