藤 (Closed)

餐廳位於廣華街 裝修得好有日本小店feel點咗一份omakase加一份廚師發辦魚生丼以晚市Omakase嚟講 價錢上都算親民 🔅Omakase $788➽水雲螢光魷魚配上酸酸甜甜嘅水雲菜 相當開胃➽鮟鱇魚肝口感綿密順滑 味道濃郁➽花竹蝦賣相精緻 蝦肉鮮甜又彈牙中間配搭糖醋蛋漬幾特別➽北海道厚岸蠔肉質肥美 口感creamy 淡淡海水味呢度壽司飯加入赤醋 質感亦較黏身➽帆立貝好厚肉 帶陣陣鮮甜➽真鯛魚清鮮甜美 配梅醬➽深海池魚肉質鮮嫩口感細膩➽牡丹蝦晶瑩通透 鮮味十足➽炙燒金目鯛 肉質肥而鮮美 伴上芥末籽 ➽活北寄貝口感爽脆 味道鮮甜➽炙燒左口魚邊魚油味香氣撲鼻 入口即溶➽煙燻鰆魚壽司質感柔軟幼滑 煙燻味道濃郁➽三文魚籽軍艦每粒都好飽滿 味道鮮甜➽大呑拿魚腩肉厚肥美 魚油香味重 ➽海膽軍艦味道鮮甜又creamy➽呑拿魚蓉卷有3小件 口感幼細香滑 ➽炭燒熟成魚 太刀魚魚味唔算重 伴有辣味柚子胡椒吊味就剛好➽甜品 抹茶蕨餅造型十分可愛 熊仔超吸睛蕨餅配上紅豆蓉幾香甜➽廚師發辦魚生丼 $328丼飯內嘅刺身種類繁多，包括：拖羅、帶子、左口魚、深海池魚、油甘魚、汁煮八爪魚、池魚、甜蝦、三文魚籽及蟹肉