加藤屋 (H.A.N.D.S) (Closed)

加藤屋喇有又平又好食嘅日食，例如牛肉、豚肉、鐵板、咖哩飯，最後仲有我哋今日主要介紹嘅鍋物套餐雜炊泡飯喇！立場：💛鍋物套餐首先介紹下呢個鍋物套餐系列啦！有兩種餐類分別係鍋物定食配白飯泡菜，有或者雜炊泡飯可以加兩蚊轉烏冬或者拉麵。呢兩個餐分別都可以配牛肉、豚肉或者雞肉，牛肉價格會稍高兩蚊，而鍋物定食嘅價錢都會比雜炊高三蚊架！湯底就有清湯、壽喜燒同埋麻辣湯，麻辣湯底要額外加一蚊，特辣嘅話要加兩蚊。最後嚟到飲品喇，可以免費配汽水、麵豉湯又或者玄米茶，另外都可以加兩蚊轉熱飲三蚊凍飲，凍檸樂或者檸碧要加五蚊。雜炊烏冬終於嚟到食嘅體驗喇！我就揀咗雜炊牛肉烏冬+壽喜燒湯底+玄米茶嘅，原價係$47，而學生就會減六蚊，即係$41啊！佢入面嘅配料就唔多講喇，P2有詳細寫到，應該冇漏嘅😂😂有讚有彈，啲烏冬真係好可食，唔會煮得太淋之外亦都唔會好似未熟咁，口感煙煙韌韌唔易斷。溏心蛋睇落去好似煮過窿少少，但都係好食嘅👍🏻除此之外佢仲有大量粟米+牛肉，啲牛肉煮得好好食，唔會太老而且每件都好大塊添！其他配料例如木耳絲、蘿蔔、椰菜、菇菌夾埋簡直係營養餐！玄米茶就冇特別嘅記憶點喇，當普通嘅茶飲下就得。呢個餐嘅份量真係食量少