Video
Read full review
2022-09-09
150 views
《熊貓小雲呑 - 油塘》數數下日子，我發現我都好耐無食辣野啦😂前排成日都掛住搵梳乎厘Pancake，近排突然間想食下辣既野😋所以約左個好食得辣既朋友去訓練一下味蕾😎由於我地兩個都喺油塘附近番工，順理成章喺呢邊搵野食🤔其實油塘呢邊都幾多野行同埋都幾多餐廳，但食辣既選擇真係唔算多，所以搵到主打巴蜀菜既熊貓小雲呑再望下menu，見到都啱食就入左去試下啦餐廳算係半自助形式的，喺counter 落完單後就可以自己去拎買左既飲品同涼菜，油塘呢間店舖唔算大，人流滿滿的，當晚都見到好多人外賣自取，店員都做到無停手🥸由於價錢唔貴，我同朋友都叫左都幾多野食😅💁🏻♀️傳統風味手工涼皮 $25跟餐+$12 配冷泡洛神花茶手工涼皮我哋叫咗中辣，點完菜之後5分鐘食得😅超快手，個涼皮比我想像中辣☺️個後勁都幾強，不過佢既調料好香，上面有啲自家製菜脯好醒胃，令人想一啖接一啖咁食😋💁🏻♀️芝麻鹽焗手撕雞 $35當日見店內兩枱人都叫左手撕雞，我地都跟風叫左個唔辣既☺️食落好香芝麻味，啲雞入味得黎又幾滑👍🏻推介💁🏻♀️孜然椒麻雞翼 $24/3隻雞翼上枱熱辣辣好香口，雞翼唔會炸得太乾身有肉汁，上面既孜然粉令到個雞翼更惹味，十分唔
數數下日子，我發現我都好耐無食辣野啦😂前排成日都掛住搵梳乎厘Pancake，近排突然間想食下辣既野😋所以約左個好食得辣既朋友去訓練一下味蕾😎由於我地兩個都喺油塘附近番工，順理成章喺呢邊搵野食🤔其實油塘呢邊都幾多野行同埋都幾多餐廳，但食辣既選擇真係唔算多，所以搵到主打巴蜀菜既熊貓小雲呑再望下menu，見到都啱食就入左去試下啦
餐廳算係半自助形式的，喺counter 落完單後就可以自己去拎買左既飲品同涼菜，油塘呢間店舖唔算大，人流滿滿的，當晚都見到好多人外賣自取，店員都做到無停手🥸由於價錢唔貴，我同朋友都叫左都幾多野食😅
💁🏻♀️傳統風味手工涼皮 $25
涼皮
$25
15 views
0 likes
0 comments
跟餐+$12 配冷泡洛神花茶
手工涼皮我哋叫咗中辣，點完菜之後5分鐘食得😅超快手，個涼皮比我想像中辣☺️個後勁都幾強，不過佢既調料好香，上面有啲自家製菜脯好醒胃，令人想一啖接一啖咁食😋
💁🏻♀️芝麻鹽焗手撕雞 $35
當日見店內兩枱人都叫左手撕雞，我地都跟風叫左個唔辣既☺️食落好香芝麻味，啲雞入味得黎又幾滑👍🏻推介💁🏻♀️孜然椒麻雞翼 $24/3隻
孜然椒麻雞翼
$35
3 views
0 likes
0 comments
雞翼上枱熱辣辣好香口，雞翼唔會炸得太乾身有肉汁，上面既孜然粉令到個雞翼更惹味，十分唔錯👍🏻
💁🏻♀️串串鍋 $38
香辣串串鍋
$24
7 views
0 likes
0 comments
跟餐+$12配冷泡御翠烏龍茶
串串鍋相對嚟講口味比較冇咁刺激，但係佢嘅食材都幾多，好彩兩個人share嚟食，如果唔係實食唔晒😓
💁🏻♀️山楂紅糖冰粉 $16
山楂紅糖冰粉
$16
8 views
0 likes
0 comments
冰粉其實質感好似仙草咁，有少少煙韌，加左紅糖水同山楂碎後甜甜地好易入口，同埋我發覺個冰粉有解辣既作用，之前食果個涼皮後勁好強，食番啖冰粉即幫到止辣😉
💁🏻♀️軟糯香甜紅糖糍粑 $25
紅糖糍粑
24 views
0 likes
0 comments
My Favourite 紅糖糍粑當然係必點啦🤓作為一名煙韌控，逢係啲軟林林、煙煙韌韌既野食我就最鍾意架啦😍紅糖好甘甜，同糍粑絕配呀😋
最後我地兩個人食左咁多野飽到上喉嚨椗，埋單竟然$200有找😱價錢十分親民抵食，怪不得咁多街坊黎外賣啦，朋友臨走時睇到佢地有賣自家製作既菜脯同其他醬料，唔執輸仲買左一樽黃金脆脆豆番屋企煮餸用添😁
Post
