御名園

Open Now

Now Closed

家人食晚飯訂咗呢間御名園話抵食。最抵係佢個孖寶$218，四隻蒜蓉蒸蟶子/帆立貝 + 一個小菜，我哋就叫咗半隻炸文昌雞。另一個孖寶$328仲有兩隻肉蟹+小菜添，可以薑蔥炒或者豉蒜涼瓜焗，星期六日都係貴$20。可以係酒樓舒舒服服咁食都唔錯。另外又叫咗薑蔥焗桶蠔、咕嚕肉、同埋蒸咗一條沙巴龍躉，全部食物都係水準之上，冇投訴。桶蠔有6大隻，隻隻都焗到乾身香口，咕嚕肉都夠脆，條魚蒸得啱啱好，佢哋仲有D特色燉湯可以叫期期都唔同。