鉄板郎 (Closed)

#日式eatcovery #深水埗eatcovery💡親民價的和牛飯近期因為疫情關係，禁晚市堂食，好多小店都熬唔住，所以我地都應該支持一下，呢間位於深水埗，以抗疫價推出超抵食日式外賣，外賣$28就食到咖哩牛舌飯，$38就食到和牛炒飯，嘩 真心呢個價錢食過早餐都唔至啦，仲要咁平就食到和牛，真心推仲。🍽咖哩牛舌飯 牛舌好厚身，食落夠口感，而且索曬咖哩汁，夠曬入味，正。日式咖哩好香，甜甜地又易入口，再加埋洋蔥作伴，撈飯一流。🍽和牛炒飯🐮以$38就有咁大碗，真心抵食，而且和牛都幾多，而且唔會鞋，食落有口感。炒飯粒粒分明，又唔會咸又唔會油，味道岩岩好。🍽豚肉生薑配飯🐷開頭以為以為外賣個豚肉份量會唔多，點知打開見到鋪滿晒豚肉，肉質煎過特別脆口，但仍然好嫩滑，唔會好乾身。而且仲有紫菜碎同芝麻，好有日式風味。🍽原味和牛餃子只要係主餐加$18就有，一盒有3粒，雖然唔係好大粒，但勝在入面和牛好足料。😆ps/ 所有外賣都要額外收$2，但如果加$4要飲品🧃，外賣盒就不另外收費。最正係堂食任加飯底，下次午市可以黎試下。