Video
Read full review
2021-09-15
648 views
每一日返工最大嘅難題係「今日晏晝食咩好」？處於北角邊緣，真係無啖好食，隔離team同事話最近食咗瓊媽媽，咁就出發試試。#瓊媽媽 由三位師奶憑自己手藝創業，餐牌上九成都係雞，無骨海南雞、霸王雞、手絲雞等等，選擇夠哂多，最重要係民個價錢真係無得輸。口水汁雞絲蕎麥麵 $37有三個醬汁揀，店員話口水汁同青木瓜都係自家調配，嗜辣嘅當然要食口水汁。配料除雞絲外，仲有青瓜、芽菜等等增加口感。味道方面，辣得有層次，唔會一味死辣，份量大大份都只係$37，真係以量取勝！霸王雞配油飯 $39可以揀配白飯、菜飯或油飯，皮滑肉嫩份量夠，最驚喜係個蔥油，蔥香超突出之餘，又唔似平時食到嘅蔥油咁鹹，反而帶少少甜味，原來係自家製醬汁，加入咗海南桔仔汁，同油飯好夾。酥炸雞翼槌 $30一份有四件，唔會好油膩，蘸少少酸辣醬更惹味。雜菇濃湯浸時蔬 $26雞湯加入大量杞子，娃娃菜吸晒雞湯精華，非常鮮甜，就算食晒成個飯都唔想錯過。一邊食一邊留意到好多上班族外賣，我估CP值高係最大原因，因為外賣的話，好多款飯盒都不超過$50，甚至低到$29就有交易。另外仲可以單買海南雞、手撕雞等等，加餸的好選擇。唔想食雞都可以揀海南椰香咖哩牛腩，現
每一日返工最大嘅難題係「今日晏晝食咩好」？處於北角邊緣，真係無啖好食，隔離team同事話最近食咗瓊媽媽，咁就出發試試。#瓊媽媽 由三位師奶憑自己手藝創業，餐牌上九成都係雞，無骨海南雞、霸王雞、手絲雞等等，選擇夠哂多，最重要係民個價錢真係無得輸。
口水汁雞絲蕎麥麵 $37
有三個醬汁揀，店員話口水汁同青木瓜都係自家調配，嗜辣嘅當然要食口水汁。配料除雞絲外，仲有青瓜、芽菜等等增加口感。味道方面，辣得有層次，唔會一味死辣，份量大大份都只係$37，真係以量取勝！
霸王雞配油飯 $39
可以揀配白飯、菜飯或油飯，皮滑肉嫩份量夠，最驚喜係個蔥油，蔥香超突出之餘，又唔似平時食到嘅蔥油咁鹹，反而帶少少甜味，原來係自家製醬汁，加入咗海南桔仔汁，同油飯好夾。
酥炸雞翼槌 $30
一份有四件，唔會好油膩，蘸少少酸辣醬更惹味。
雜菇濃湯浸時蔬 $26
雞湯加入大量杞子，娃娃菜吸晒雞湯精華，非常鮮甜，就算食晒成個飯都唔想錯過。
一邊食一邊留意到好多上班族外賣，我估CP值高係最大原因，因為外賣的話，好多款飯盒都不超過$50，甚至低到$29就有交易。另外仲可以單買海南雞、手撕雞等等，加餸的好選擇。唔想食雞都可以揀海南椰香咖哩牛腩，現場見到隔離檯食好似好好食。
Post
