炯記餐室 (沙咀道)

Open Now

Now Closed

太子鵝油撈面配秘制煙燻燒鵝麵質好特別，好薄又有彈性，加左鵝油撈，口感好好味，又唔會過於油膩😋知道炯記既燒味都好出名，燒鵝咁岩上左一隻大髀，脆皮得黎又有燒鵝味，不負所望😍鹽焗手撕雞腸粉雞肉咸道適中，灑左好多白芝麻，就好香口，鵝油撈面已經係好大碗，就揀左配腸粉，手撕雞配腸粉都好夾，好鐘意佢個個好流質既花生醬。醬皇冬菇扒生菜 🥬食得健康啲就叫左個菜，菜都好新鮮。冬菇🍄雖然係細細粒，不過好juicy。酸辣無骨鳳爪酸酸辣辣好開胃，仲要係無骨，食落去超方便，一碟都有好多隻。柚子氣泡檸檬茶 比一般檸檬茶既澀味和濃茶味，多左一d柚子味和梳打水，飲落去感覺都好清新！一枱食物，埋單都唔洗$200，真係超抵食！